Sunday , July 22 2018
Breaking News
Home / Headlines News / விடுதலைப் புலிகள் விவகாரத்தால்- பதவியிழக்கும் நாடாளுமன்ற உறுப்பினர்கள்- ஆதாரங்கள் சபாநாயகரிடம்

விடுதலைப் புலிகள் விவகாரத்தால்- பதவியிழக்கும் நாடாளுமன்ற உறுப்பினர்கள்- ஆதாரங்கள் சபாநாயகரிடம்

நாட்டின் ஒருமைப்பாட்டுக்கு எதிராகச் செயற்பட்ட தமிழ்த் தேசியக் கூட்டமைப்பின் நாடாளுமன்ற உறுப்பினர்கள் மற்றும் வட மாகாண முதலமைச்சர் சி.வி.விக்னேஸ்வரன் ஆகியோர் தொடர்ந்து அவர்களது பதவிகளில் நீடிப்பது தொடர்பில் சவால்கள் தோன்றியுள்ளன என்று கொழும்பு ஊடகம் ஒன்று செய்தி வெளியிட்டுள்ளது.

நாட்டின் ஒருமைப்பாட்டுக்கு எதிராகச் செயற்பட்டு, தமிழீழ விடுதலைப் புலிகளை ஊக்குவிக்கும் நோக்கில் கருத்துக்களை வெளியிட்டதோடு, புலிகளுக்குச் சார்பான நிகழ்வுகளில் பங்கேற்ற, தமிழ்த் தேசியக் கூட்டமைப்பின் 10 நாடளுமன்ற உறுப்பினர்கள் தொடர்பில் தகவல்கள் கிடட்ததுள்ளன என்று மகிந்த அணி உறுப்பினர் ஒருவர் தெரிவித்துள்ளார்.

இந்தச் சம்பவங்கள் தொடர்பில் வெளியான செய்திகள், ஒளிப்படங்கள் மற்றும் காணொளிகளை சபாநாயகர் கரு ஜயசூரியவிடம் கையளிப்பதோடு, அது தொடர்பில் விசாரணைகளை மேற்கொள்ளுமாறு அறிவுறுத்தவுள்ளதாகவும் அந்த உறுப்பினர் தெரிவித்துள்ளார்.

நாட்டின் ஒருமைப்பாட்டுக்கு எதிராகச் செயற்பட்டு கருத்துக்களை வெளியிடுவதோடு, பிரிவினைவாதிகளை ஊக்குவிக்கும் விழாக்களில் பங்கேற்பது தீவிரவாத செயற்பாட்டுக்கு ஆதரவளிப்பதாகவே அமையுமென்பதோடு, அரசியல் சட்டத்தை மீறும் செயலெனவும் சட்டத்தரணி பிரதீபா மஹநாமஹேவா தெரிவித்துள்ளார்.

இவ்வாறு சட்டத்துக்கு எதிராகச் செயற்படும் நாடாளுமன்ற உறுப்பினர்களைப் பதவி நீக்கும் அதிகாரம் சபாநாயகருக்கு காணப்படுவதாகவும் அவர் மேலும் தெரிவித்துள்ளார் என்று அந்த ஊடகம் குறிப்பிட்டுள்ளது.

Check Also

இந்த வாரம் பிக் பாஸ் வீட்டிலிருந்து வெளியேறும் நபர் இவரா.?வெளிவந்த தகவல்..! காரணம் இதோ.!

பிக் பாஸ் நிகழ்ச்சியில் இந்த வார வெளியே போகும் போட்டியாளர்கள் பட்டியலில் பாலாஜி, பொன்னம்பலம், ஜனனி ஐயர், ரம்யா, ஐஸ்வர்யா …