Thursday , December 13 2018
Home / Headlines News / துப்பாக்கிசூட்டில் காயமடைந்த இளைஞன் பலி!

துப்பாக்கிசூட்டில் காயமடைந்த இளைஞன் பலி!

புதுக்குடியிருப்பு கைவேலி மருதங்குளம் பகுதியில் 11.09.18 அன்று இரவு வீடுபுகுந்த ஆறுபேர் கொண்ட குழுவினர் மேற்கொண்ட வாள்வெட்டு சம்பவத்தின் போது மேற்கொள்ளப்பட்ட துப்பாக்கிசூட்டில் காயமடைந்த புதுக்குடியிருப்பு இளைஞன் அனுராதபுரம் மருத்துவமனையில் உயிரிழந்துள்ளார்.

இச்சம்பவம் பற்றி தெரியவருகையில்..

மாணிக்கபுரத்தினை சேர்ந்த இளைஞன் ஒருவன் யுவதி ஒருவரை காதலித்து திருமணம்செய்து வந்துள்ளார் குறித்தயுவதி ஏற்கனவே மருதமடுகுளம் பகுதியினை சேர்ந்த செ.கோபிநாத் என்ற இளைஞனை காதலித்துள்ளார் குறித்த இளைஞன் முன்னாள் காதலியுடன் இருந்த புகைப்படத்தினை முகநூலில் வெளியிட்டுள்ளார்.

கோபிநாத்தின் முன்னாள் காதலியை திருமணம் செய்துள்ள மாணிக்கபுரத்தினை சேர்ந்த இளைஞன் குறித்த படத்தினை அகற்றும்மாறு வற்புறுத்தி வந்துள்ளதுடன் வாய்த்தர்க்கத்திலும் ஈடுபட்டுள்ளார்.

மாணிக்கபுரத்தினை சேர்ந்த இளைஞனின் நண்பர்கள் ஒன்றிணைந்து மருதமடுகுளம் பகுதியினை சேர்ந்த செ.கோபிநாத் என்ற இளைஞனின் வீட்டிற்கு கடந்த 11.09.18 அன்று இரவு வாள்களுடன் சென்று முதலில் வீட்டின் வெளியில் உறங்கிக்கொண்டிருந்த 21 அகவையுடைய கோபிநாத் மீது வாள்வெட்டிவிட்டு பின்னர் அவரது தந்தையான 45அ அகவையுடைய செல்வக்குமார் மீதும் வாள்வெட்டிவிட்டு வீட்டுக்குள் புகுந்த நபர்கள் தயாரான 43 அகவையுடைய செ.குசேலகுமாரிமீதும் வாளால் வெட்டியுள்ளார்கள்.

இந்தவேளை வீட்டில் இருந்த பெண் பிள்ளைகள் இருவரும் வீட்டின் அறைக்குள் சென்று கதவினை பூட்டிக்கொண்டுள்ளதால் அவர்கள் தப்பித்து கொண்டுள்ளதாக மக்கள் தெரிவித்துள்ளார்கள்.

நள்ளிரவு வேளை நடைபெற்ற இந்த வாள்வெட்டு சம்பவத்தின் போது வீட்டில் இருந்தவர்கள் வீட்டில் உள்ள நாட்டு துப்பாக்கியினை எடுத்து வாள்வெட்டு கும்பல் மீது சுட்டுள்ளார்கள் இதில் ஒருவன் படுகாயமடைந்த நிலையில் சிறிது தூரம் இழுத்து சென்று அங்கே விட்டுவிட்டு ஏனை ஜந்து பேரும் தப்பி சென்றுள்ளார்கள்.

இசம்பவத்தினை தொடர்நது கிராம மக்களால் பொலீசாருக்கு கொடுக்கப்பட்ட தகவலையடுத்து சம்பவ இடத்திற்கு விரைந்த பொலீசார் காயமடைந்த நால்வரையும் புதுக்குடியிருப்பு ஆதார மருத்துவ மனையில் அனுமதித்துள்ளார்கள் துப்பாக்கிசூட்டிற்கு இலக்கான இளைஞன் மாவட்ட மருத்துவ மனை கொண்டுசெல்லப்பட்டு மேலதிக சிகிச்சைக்காக அனுராபுரம் மருத்துவ மனை கொண்டுசெல்லப்பட்டுள்ளார்.

புதுக்குடியிருப்பு மருத்துவமனையில் வாள்வெட்டிற்கு இலக்கான குடும்பத்தினை சேர்ந்த மூவரும் மாவட்ட மருத்துவமனைக்கு மேலதிக சிகிச்சைக்காக அனுமதிக்கப்பட்ட நிலையில் தந்தையாரான செல்வக்குமார் மேலதிக சிகிச்சைக்கா யாழ்ப்பாணம் பொது மருத்துவமனை எடுத்து செல்லப்பட்டுள்ளார்.

இன்னிலையில் துப்பாக்கிசூட்டுக்கு இலக்காக 02ஆம் வட்டாரம் புதுக்குடியிருப்பினை சேர்ந்த 28 அகவையுடைய திருச்செல்வம் கபிலன் என்ன இளைஞன் சிகிச்சை பலனின்றி 13.09.18 அன்று அதிகாலை உயிரிழந்துள்ளார். இவர் பல்கலைக்கழகம் தெரிவான மாணவர் என்பது குறிப்பிடத்தக்கது.

இதேவேளை இந்த வாள்வெட்டு சம்பவத்துடன் தொடர்புடையவர்கள் என சந்தேகிக்கப்படும் மூவரை புதுக்குடியிருப்பு பொலீசார் கைதுசெய்துள்ளார்கள்.

அவர்களில் முதன்மை சூத்திரராதியான மாணிக்கபுரத்தினை சேர்ந்த 22 அகவையுடைய நபர் ஒருவரும் புதுக்குடியிருப்பு சிவநகர் பகுதியினை சேர்ந்த இளைஞன் ஒருவருவம்,22 அகவையுடை ஆனந்தபுரத்தினை சேர்ந்த இளைஞன் ஒருவரும் பொலீசாரால் கைதுசெய்யப்பட்டு பொலீஸ் காவலில் வைக்கப்பட்டுள்ள நிலையில் மேலும் இந்த கும்பலை சேர்ந்த இருவரை கைதுசெய்ய பொலீசார் நடவடிக்கை மேற்கொண்டு வருவதாக தெரிவித்துள்ளார்கள்.

இதேவேளை இந்த சம்பவத்தின் போது துப்பாக்கிசூடு யார் நடத்தினார்கள் என்பது தொடர்பிலும் விசாரணைகள் இடம்பெற்று வருவதாகவும் தெரிவித் பொலீசார் வாள்வெட்டிற்கு இலக்கானவர்கள் மருத்துவ மனையில் அனுமதிக்கப்பட்டதினால் அவர்களிடம் இருந்தான வாக்கமூலத்தினை பெற்றுக்கொள்ள நடவடிக்கைகள் மேற்கொள்ளப்பட்டுள்ளதாக தெரிவிக்கப்பட்டுள்ளது

Check Also

இன்றைய தினபலன்

இன்றைய தினபலன் 13 டிசம்பர் 2018 வியாழக்கிழமை

இன்றைய பஞ்சாங்கம் 13-12-2018, கார்த்திகை 27, வியாழக்கிழமை, சஷ்டி திதி இரவு 01.49 வரை பின்பு வளர்பிறை சப்தமி. அவிட்டம் …