ஐரோப்பிய நாடுகளில் சமீப காலமாக விமான நிலையம், இராணுவ தளம் உள்ளிட்ட முக்கிய இடங்களில் ஆளில்லா விமானங்கள் பறக்கின்றமை பாதுகாப்புக்கு அச்சுறுத்தலாக அமைந்துள்ளதாக சர்வதேச ஊடகங்கள் செய்தி வெளியிட்டுள்ளன.
இந்நிலையில், நெதர்லாந்தின் வோல்கெல் விமான நிலையங்களில் ஆளில்லா விமானங்கள் பறந்ததாக தெரிவிக்கப்படுகின்றது.
இதையடுத்து, அவற்றை சுட்டு வீழ்த்த வான் பாதுகாப்பு படையினர் முயற்சித்த நிலையில், குறித்த ஆளில்லா விமானங்கள் தப்பிச் சென்றதாக தெரிவிக்கப்படுகின்றது.
இதனையடுத்து, ஐன்ட்ஹோவன் விமான நிலைய வான் பகுதியிலும் சில ஆளில்லா விமானங்கள் பறந்தன.
இதன்காரணமாக பாதுகாப்பினை கருத்தில் கொண்டு, விமான சேவை சில மணி நேரம் துண்டிக்கப்பட்டதாக தெரிவிக்கப்படுகின்றது.
எனினும் குறித்த பகுதியில் ஆளில்லா விமானங்கள் தொடர்ச்சியாக பறந்தமையால் அப்பகுதியில் அச்சநிலை ஏற்பட்டதாக கூறப்படுகின்றது.
அத்துடன், இனி வரும் காலங்களில் ஆளில்லா விமானத் தாக்குதல் குறித்த அச்சுறுத்தலை சமாளிக்கத் தேவையான நடவடிக்கை எடுக்கப்பட்டு வருவதாக அந்நாட்டின் இராணுவ அதிகாரி ரூபன் பிரெக்கல்மன்ஸ் தெரிவித்துள்ளார்.
